這個士多啤梨園位於打鼓嶺較入的位置，它的風景十分漂亮，空氣也很清新，是放鬆的好地方。而且不收入場費，也有蔬菜園可供採摘。

個名好有古代Feel~

一落左小巴之後就可以見到呢個路牌，個司機哥哥仲要勁好人咁特登調轉頭放低我地。見到呢個路牌記得千其唔好轉入去。因為我地轉左入去之後見到有幾隻惡犬～大家到時嚇親就唔係幾好喇！

以下是路線圖

之後沿住山路一直行就可以見到好清晰既招牌，跟住行就可以。拿，係唔係好清晰呢～

好快就可以行到入去喇。之後見到老闆娘好親切咁叫我地坐低，原來入去摘士多啤梨要著鞋套。一來是為免整爛個泥地，二來是為免我地整到對鞋好骯髒，真係好貼心。

著好之後，老闆娘就俾左個紅色小籃加一把細剪刀俾我地喇！好野！終於可以出發去摘士多啤梨喇！

原來成個園分左兩區，一邊是本地的士多啤梨，盛惠80 蚊一磅；另一邊是日本的士多啤梨，盛惠120 蚊一磅。

就我地目測所見，日本既士多啤梨會大粒ｄ同紅ｄ，本地既士多啤梨就比較白同細粒。不得不提醒的就係園內係唔可以偷食架，如果俾人發現左會罰成100 蚊架！真係唔好試喇～

呢邊就係本地士多啤梨喇

可能係因為呢個士多啤梨園唔洗俾入場費，平時都有唔少人會入黎，我地黎之前都要打個電話俾老闆預約先得呀。睇下我摘既士多啤梨幾咁大粒～

係咪睇見都留哂口水呢

仲有個bonus 就係呢到既空氣真係好清新，仲成日聽到雀仔既叫聲，令人身心舒暢。好似好耐都冇試過咁親近大自然喇～仲要見到ｄ咁大咁靚既士多啤梨，真係咩煩惱都冇哂呀！

喂你唔好扮蘋果喎

不過一直蹲下摘士多啤梨都真係幾攰，但呢個園好就好在風景真係好靚，咁難得搭左咁耐車入黎，當然就唔少得影番幾百張風格圖放上網呃like 喇！

摘左大約一個鐘之後，我地終於都將園入面好靚又好大既士多啤梨都摘哂落黎喇～真係好滿足呀！

咁大盒有機既士多啤梨都係300 幾蚊咋，佢地都有提供埋水喉，可以摘完即刻洗黎食！

好想可以快D試味呀

辛苦野都係交俾佢喇

真係好甜好好味呀。我就覺得日本既多汁ｄ同甜ｄ，但另一位旅俠就話其實分別唔大喎，佢就建議大家都可以試下本地既士多啤梨喎，可以慳番一筆丫嘛。唔知係咪我地真係摘得好落力呢，所以真係比平時好味好多呀！

呢個係日本既士多啤梨

你睇我食得咁乾淨就知道有幾好食喇

好多收獲呀

同老闆娘傾傾下既時候先知原來附近佢仲有一個蔬菜園，我地當然即刻去睇下喇！

行左十分鐘左右就到左喇～嘩真係唔去唔知，原來呢邊種既菜都好多，有哂唔同種類。一眼望去，真係全部都係綠色架，對眼睛好有益！

不過呢，菜價都係日日都唔同既，記得睇清楚呀

我地最後試左摘菜。好好玩呀，原來生菜可以咁大棵同咁綠架喎～仲見到羊仔同牛仔，好得意呀佢地！

跟住就好滿足咁完成左今日既行程Lu~~俾Ｄ獎聲！！！